森林活泉霍廐第13Ｗ上岸

魑魅魍魉

澳洲年輕好手安國倫，早前接連犯規被罰停賽六日，呢段時間佢都錯失咗唔少頭馬，難怪尋日刑滿復出，佢就好似猛虎出柙，大演功架，喺第二場五班1800米就靠老馬「森林活泉」執番Ｗ，停完賽即刻有馬贏，認真巴閉。
       
森林活泉

講開呢匹「森林活泉」，上鋪已經用安國倫跑田草1800米，結果後上得季軍，今次原裝人馬再臨，終於順利補中，賽後霍利時話呢隻七歲馬今季狀態一直都唔錯，加上評分都幾着數，只喺陣上經常受阻唔可以望空衝刺，今次直路早段依然如此，好彩末段終於搵到位，贏番場都好合理，而此匹「森林活泉」亦替霍廐勝出今季第 13Ｗ，提早上岸。