寶成智星 姚本輝壯行色

魑魅魍魉

尋日第七場三班田草1200米賽事，姚本輝馬房三路興兵，近績好啲嘅「肥仔糖」自然不乏捧場客，臨場落飛至4.7倍成次熱門，可惜落到場就表現麻麻。反而一對延遲加入報名嘅廐侶「寶成智星」（21倍）及「沙紙」（96倍），就包辦冠季軍，位置Ｑ都有141倍，認真和味。
       
寶成智星後上險勝大熱門爪皇盛水，人馬表現精彩。
賽後赴杜拜為電光能源備戰

講開輝哥，原來佢尋晚已經飛咗去杜拜，幫年初一喺嗰邊跑泥地千二米三級賽嘅「電光能源」打點，啱啱贏「寶成智星」正好壯行色。輝哥話呢場頭馬真係無心插柳，事關報名時佢見到冇乜馬報名，先至替「寶成智星」及「沙紙」延遲加入，點知兩駒都交出好成績，佢都話有啲意外，而「寶成智星」能贏，鞍上人柏寶功勞最大。