|
|
要數近期炙手可熱嘅騎師，肯定係韋達，自從柏寶停賽之後，成日唔係起孖就贏夠3場，總之，一有馬贏嗰期賽事，至少可以有兩場頭馬落袋，以及嗰期必會贏埋騎師王。相信有跟開呢條盤路嘅馬友，多多少少會有斬獲，總好過買部分演出閃縮、飄忽嘅騎師。喺呢方面，韋達係嚟得正氣得多！不過，正所謂長路有盡時，呢期之後柏寶就復出，韋冠軍係咪繼續神勇，抑或趁勢「獲利回吐」，到時再度過，但呢期仲係咁多好馬在手，冇理由手軟。
話時話，另1位騎師杜利萊，佢係冇韋達咁閃亮，講到近績，尤其喺谷戰，比落唔會失色！唔經唔覺，佢已連續4期喺谷草有「士哥」，8/12及23/12更中孖寶，唔係冇氣勢，所以，今晚佢7匹坐騎，應該有大動作，阿Jack估計，佢在較早場次嘅馬最有機會。
「兄弟班」轉到鄭廐未贏到，但成績有進步，跨季5場，4次打入前三名，除咗養得好之外，廐主教到隻馬唔再慣性慢閘，見到練馬功力。今場縮回 1800米，會比大長途好啲，已站於勝利邊緣。至於「鑽飾彩虹」及「愛蓮說」，前駒新勝而臨，再跑勝途冇嘢要挑剔。後駒跑落冇進步，料子係咁多，勝在絕少失準，希望放頭跑法喺B欄受惠，以及回跑此程可跑高啲。
Jack |
|
金睛卡
发表于 2011-1-12 11:52
变色卡
显身卡