內圈探索：金津好暗火湧現

港陌

　　姚本輝馬房今季成績不俗，目前已勝出十五場頭馬，當中有六場頭馬是來自快活谷，反映出此倉口亦頗喜歡在谷中搵食。今晚谷戰，姚廐共有六駒列陣，其中以「超晒班」與「金津好」兩駒最具分量，實有捧場價值。

超晒班有備而來

　　出爭第四場四班1200米的「超晒班」，前仗角逐谷草同程，在潘頓胯下後上入位，僅輸給頭馬「駟馬難追」個多馬位，已見試準；上仗再戰同程，易配蘇狄雄減磅出戰，改用主動跑法，前中段搶得太急，結果埋門力弱，只能走入一席梗頸四，但論表現其實亦不俗。

　　拼後「超晒班」加強備戰，近期頻頻拍跳考驗，鬥心湧現，埋門踱步走來亦對辦。今回此駒再戰谷草1200米，途程理想，加強配搭改由郭能操刀，加上有二檔幫手，可望突圍而出。

　　列陣第六場三班1200米的「金津好」，近兩戰在同程於杜利萊胯下分別擊敗「文武維揚」及「萬里駒」贏馬，在谷草找到新出路，亦予人愈跑愈進步之感。兩捷後，此駒目前仍能留在三班作賽，形勢十分有利。復課後，「金津好」備戰程序並未放緩，埋門拍跳有勁，近日踱步走來亦暗火湧現。五歲馬今季大熟當打，升勢未止，今回較上仗僅多負兩磅，估計爭勝阻力不大，杜利萊再為其効力，收人馬合拍之效，排埋內檔好位起步，看來必會打鐵趁熱，交出本身水準已有可勝之道。

家明