馬主論戰

猪拉多纳

新一年共創未來

　　踏入新一年，先祝各位《成報》讀者橫財就手，繼續贏多啲馬。講番心水，鍾意第十場「共創未來」，上場跑香港短途錦標，對住「卡通飛機」、「火箭人」等強敵都跑第四，今次對手弱得多，應該可以贏番一場。

　　另外推介第六場「黃金褭蹄」， 連續兩場響1400 米追入第四， 已經試準晒後勁， 今場增程跑1600 米仲啱， 睇嚟可以打開勝門。

張敬山

係時候食肥仔糖

　　姚本輝今日出馬唔少，應該有頭馬見面，最鍾意第八場「肥仔糖」，前仗彈甩「太極至尊」贏馬，賽事水準唔曳，上場初跑泥地1200米，只輸畀頭馬「威威財星」半個馬位，今次回師贏馬路程田草1200米，係時候贏番一仗。另外推介第四場「旺當家」，前仗初出即大勝而回，上場沿途走外叠，跑第三已算叻，今次只要發揮正常可補中。

寇鴻萍、梁廷鏘

軍事攻略質素高

　　大摩今日手馬好惡，我睇好佢有馬贏，先推介尾場「軍事攻略」，上場在港初出跑1400米，入直路後塞咗一輪仍追入第四，質素一定唔簡單，熱身後估計今場會有更好演出，穩食尾胡。

　　另外，第十場大摩出兩隻，「白玉駿駒」配賴維銘未必係副車，事關呢隻馬以往贏過1400米，上場響泥地一哩一放到底，近況勇得交關，話唔定再贏。

任達華