馬場紅綠燈

猪拉多纳

樂融融出王牌搏

　　剛戰徐廐「瀟洒靚龍」於韋達胯下大熱倒灶，今晚此對騎練則合作「樂融融」，由於跟「紅衣叻叻」及「東方駿馬」同場兼排十一檔，預計熱極有個譜；上仗牠於谷草1000米後追甚勁跑第四，這次出王牌報名兼強配再跑同程必有計。

健少

威利多多可衛冕

　　尾場跑馬地錦標屬今晚焦點，事關有兩匹谷草怪傑「美猴王」同「八運寶」對撼；不過，東廐「威利多多」亦唔可以睇小，此駒是上屆此項賽事盟主，季內跑過兩仗熱身後終跑番強項路程，兼且有運抽得一檔起步，話唔定可以衛冕。

阿光

強駒落班搶頭胡

　　頭場五班賽海軍鬥水兵，「強駒」話晒喺四班贏過四場，級數勝過呢棚馬多多聲。今季佢喺四班輸四場，分別面對「雄心威龍」、「芙蓉威龍」及「按得醒」呢類強手，部分場次輸唔遠已算叻；減夠分後今戰改爭五班賽，憑班底有資格贏馬。

王其