金石盟：火箭人身輕步爽

猪拉多纳

　　昨晨並非課期，跳馬不算太多，已報名周日賽事者佔廿多駒，以來港參戰國際賽事之馬匹為主，尚不乏睇頭。

　　「火箭人」高雅志先慢跑一匝，再試千二米，只見鞍上人大力扣實，走來火噴噴，身輕步爽，勇況更盛。

　　「萬千景象」助手試八百米，馬性乖巧， 過直路相當墜手， 腳勁十足，觀感殊佳。

　　「樂聖」先由助手在大跑道踱一匝， 其後換上歐道樂在草地試千二米，奮力增速，動作靈活，神態生猛，惹人好感。

小柏高口勁收斂

　　「小柏高」助手試千二米，口勁收斂，過直路不浮不躁，型格討好，絕非等閒之輩。

　　「永勁」巫斯義在草地試千二米，逐漸加快，從容淡定，步伐爽朗，進度滿意。

　　「天鷹翱翔」助手試八百米，入直路已開始拉慢，走勢矯健，神采飛揚，予人印象不錯。

　　「星光水晶」助手在草地試八百米，一條大白鼻相當靚仔，惟過終點一收即停，欠點銳勢，近況似是而非。

　　「驪勝名駒」助手試八百米，輕巧有餘，雄渾之勢不足，身肌收得未夠實淨，七八成馬左右。

　　「繡球花」助手在草地試千二米，翻步暢順，身形粗壯，神色稍淡，未服水土似的。

　　「網絡電郵」助手在草地試八百米，蹄姿輕快，過直路神閒氣定，對環境適應頗快，在冒起中。

　　「印族節日」助手試四百米，身形細細粒，走勢平平無奇，進度未如理想，且看操下去如何。

　　「食夢精靈」助手試千二米，出腳暢順，然而勁力平平，神態普通，近況有瑕疵。