鄭雨滇泥地１哥

猪拉多纳

依家嘅華將一哥鄭雨滇，最近畀師弟黎海榮追到氣咳，威脅到佢下個月參加國際騎師錦標賽嘅機會。難得榮仔尋日停賽，阿滇梗係把握呢個黃金機會盡情數胡，結果佢喺第二場四班泥地千二米靠隻「聚豪精英」增添一Ｗ，擴大番自己嘅領先優勢。值得一提，呢場亦係阿滇今季泥地第四Ｗ，冠絕同儕，日後不妨吼實佢啲泥地坐騎。
       
聚豪精英（11號）臨場重飛得手。
薛達志：聚豪精英仲有得贏

「聚豪精英」亦幫今季成績大躍進嘅薛達志攞到第十Ｗ，認真巴閉，光頭志話呢隻馬分別喺五個唔同嘅路程贏馬，百分百係一隻全材馬，認真抵讚，佢仲話即使評分闖新高，仲有權執多Ｗ。