馬場紅綠燈

港陌

最希望人人興旺

　　幸運團體的確好彩，名下馬「同興旺」、「大家興旺」及「家家興旺」服役時共得二十一場頭馬，就算現役「人人興旺」亦不失禮，在港三戰已得冠季殿各一；既然這件綵衣冷熱皆拼，論馬於三班亦超級，今日增程跑1600米好穩陣。

健少

按一按練者夠運

　　今季最有運練馬師應非呂健威莫屬， 季內九場頭馬中有五場贏短頭，另外一場係「分享」以鼻位取勝。睇好呂廐今日有馬贏，尾場「按一按」上仗跑直路賽，末段塞到飛起，最終只輸畀「小橋流水」個幾馬位，轉跑1200米隨時贏得。

阿光

黃金褭蹄試準搏

　　「蓮華生輝」上仗贏馬時，姚廐有「化工之昇」同「愛睦善」兩件半冷配合，所以今日揀隻「黃金褭蹄」。姚本輝接手後跑過三仗，並已在陣上後追仄準，扳到柏寶主轡唔似減分格局，好大機會聯同「蓮華生輝」出擊，記得捧場。

王其