|
|
馬偉昌多年以來唔係一線騎師， 頂多係二線中，主因唔係鬥志或騎功關係，比賽過程唔夠競爭性先係成因，但阿Jack唔係指佢有咩蠱惑！競爭性係指比賽中會唔會冒險爭位、明知可能cut到人一樣照搏等等，呢方面佢向來奉行安全第一，所以幾難見到佢會「明知故犯」，大家剩係睇番日前「雄心威龍」喺谷草點贏，就知佢比賽時有幾注重安全問題，以及蝕位程度，最後獨贏得43蚊，真係唔夠買驚風散。
呢次跑泥地，佢點都唔會比谷草蝕章，更重要係有好幾匹坐騎執到唔錯檔位，估計今晚佢應該有頭馬到手。有邊啲可以捧win，我覺得霍廐一對馬，第二場「萬人迷」和第六場「聖迪達」最有機會贏。
聖迪達泥地1200準
「萬人迷」一直都係令人失望居多，跑到第三季，上場先至係首次跑位置，但啱啱呢場又算佢本事，因為係季內初出，又係心律不正後首戰。
而今場更可落班跑，計落好有利。
「聖迪達」就唔使點讚，往績好到冇人有，跑極泥地1200米都冇1場會唔入三甲，準成咁，大家邊可以對着幹。
Jack |
|
金睛卡
发表于 2010-11-3 15:09
变色卡
显身卡