12外檔未驚過

魑魅魍魉

繼「連戰連勝」後，跟住第六場又見到啡格馬落飛得手嘅鏡頭，今鋪就輪到苗禮德訓練嘅「雄心威龍」。呢隻馬雖然啱啱贏完，但今次轉嚟跑毫無經驗嘅谷草一哩兼抽 12檔，所以過關飛後都有9.7倍，但喺閘前一分鐘左右，「雄心威龍」又有大注追捧，卒之落到4.3倍，結果順利再下一城。值得一提，尋日谷草賽事竟然連續兩場有12檔馬落飛得手，不得不讚有關人士嘅銳利目光。
       

對於「雄心威龍」轉場都輕鬆連捷，阿苗就話睇完上鋪隻馬嘅贏馬姿態，就知今季進步好大，之不過今次抽大外檔，先搞得佢好頭痕，好彩佢臨場見場地難追，決定用番啲較主動跑法，順利奏捷，佢話就算升上三班，一樣可以應付。