好旺財率先三捷

魑魅魍魉

正所謂「人紅沒法擋」，上季頭馬數字未能達標嘅薛達志，今季跑咗短短十五個回合，連埋尋日贏隻「好旺財」，已經累積９Ｗ，以目前走勢，相信唔使半季就可上岸。
       
好旺財率先成為今季首匹三捷馬。

「旺財」系今季初成為佢嘅招牌馬，亦都可以講話幫佢省到個招牌立立令，「好旺財」尋日再贏，成為季內首匹三捷馬，加埋同主嘅「再來旺財」季初嘅溫拿，單係郭大董呢系馬，已幫佢帶嚟四場頭馬。
       

其實「好旺財」贏馬，替工身份嘅鄭雨滇亦可能沾染埋練者旺氣，但如非韋達要去日本跑秋季天皇賞，相信佢都無機會騎呢隻馬，今次騎練季內首度合作即刻擦出火花，你話跑馬真係幾講運氣。