西班牙唔益人要德國

胜保罗

李 老 闆 ： 經 紀 陳 ， 晨 早 流 流 ， 做 乜 包 公 咁 嘅 面 口 呀 ？

經 紀 陳 ： 唉 ， 前 晚 重 槌 買 咗 阿 根 廷 上 盤 ， 點 知 俾 佢 哋 跣 鑊 金 ， 輸 4 粒 畀 德 國 ， 你 話 我 仲 邊 度 笑 得 落 。

外 賣 仔 ： 呢 場 我 都 中 招 ， 見 阿 根 廷 喺 分 組 賽 同 埋 16 強 全 部 贏 晒 ， 仲 要 加 埋 有 個 張 家 輝 （ 美 斯 ） ， 點 秤 都 高 過 德 國 ， 邊 會 諗 到 佢 哋 輸 得 咁 肉 酸 。

李 老 闆 ： 先 有 巴 西 ， 家 陣 連 阿 根 廷 都 喺 8 強 出 局 ， 好 彩 西 班 牙 幫 到 手 ， 贏 咗 巴 拉 圭 ； 若 然 禮 拜 三 晚 4 強 係 由 德 國 對 巴 拉 圭 ， 咁 就 大 件 事 ， 我 間 茶 餐 廳 起 碼 少 一 半 生 意 。

車 神 ： 德 國 今 年 班 波 幾 好 睇 ， 係 就 係 冇 乜 星 ， 但 攻 起 上 嚟 唔 係 人 咁 品 ， 對 英 格 蘭 同 埋 阿 根 廷 可 以 兩 場 入 8 球 ， 真 係 唔 嘢 少 。

經 紀 陳 ： 我 仲 記 得 兩 年 前 場 歐 國 盃 決 賽 ， 德 國 對 西 班 牙 好 似 細 路 仔 對 大 人 咁 ， 連 波 皮 都 掂 唔 到 ， 睇 怕 今 年 同 西 班 牙 有 得 鍊 。

車 神 ： 係 呀 ！ 西 班 牙 今 年 差 咗 ， 攻 起 上 嚟 唔 流 暢 ， 而 且 勁 輸 盤 ， 贏 波 唔 益 人 ， 對 上 3 仗 場 場 贏 1 粒 ； 佢 哋 咁 輸 法 ， 要 讓 德 國 平 / 半 ， 我 要 支 持 德 國 下 盤 。

李 老 闆 ： 車 神 ， 禮 拜 三 晚 使 唔 使 留 定 位 俾 你 呀 ？

車 神 ： 梗 係 要 啦 ！ 除 咗 禮 拜 三 ， 禮 拜 二 有 烏 拉 圭 對 荷 蘭 ， 我 都 會 落 嚟 睇 ， 麻 煩 幫 我 留 埋 位 。