飛腳 勝利「大」激鬥

猪拉多纳

今日亞冠盃G組有好戲上演，日職勁旅大阪飛腳會喺主場迎戰澳職嘅墨爾本勝利，飛腳分組賽首仗作客僅打和南韓代表水原藍翼0:0，但佢哋貴為上屆4強分子，實力同經驗都夠晒保證，今仗返主場勢必更加落力爭勝搶分，應會主攻，一於博1.75倍入球大。

（now672台周三晚6:00直播）

墨爾本勝利首仗主場2:1擊敗上海SP（上海上港），延續佢哋入波多失波又多嘅風格。事實上，墨爾本勝利作客表現進取，近3仗作客全部開入球大，每場總入球仲達到4球或以上添，阿爾巴尼亞射手貝利沙近3次作客射入4球，狀態大勇，有力攻破飛腳防線，一於撐入球大。