伯頓作客醒上盤等修錢

猪拉多纳

今日阿King一次過同大家睇三場次級聯賽賽事，包括德乙、法乙同英甲，全部都係睇中爭緊升班嘅球隊可以贏波，最有信心係有得睇直播嘅英甲賽事修安聯對伯頓，英甲一哥伯頓表現搶眼，升班大熱門當之無愧，而且佢哋近況一流，作客讓平半，上盤抵玩。

（TVB 302周二凌晨3時45分直播）

伯頓今季作客有個得意數據，14場非贏即輸，一場都冇和過，但球隊近況真係弗，近5作客贏4仗，所贏對手仲要係次席韋根、三哥基寧咸同排第六嘅高雲地利等，全部都係爭升班對手，證明佢哋作客打硬仗一樣掂。相反，修安聯狀態下調，聯賽遭逢兩連敗，主場出擊亦未見有利，加上中場有多名主力受傷，受讓都博唔過，今場揀伯頓上盤。
紐倫堡反轉杜塞爾多夫

同樣爭升班嘅有德乙三哥紐倫堡及法乙嘅梅斯，先講紐倫堡作客杜塞爾多夫，雙方成績各走極端，杜塞爾多夫主場五連敗，戰績慘不忍睹，相反紐倫堡作客則五連勝，可秤高啲，上盤值博。最後梅斯兩場不勝退晒熱，呢支季前升班熱門只要打出水準，去到尼姆應可保持不敗，受讓值捧。