熱刺李城半場難分勝負

猪拉多纳

勢估唔到熱刺主場鬥李斯特城一戰，會係一場歐聯席位爭奪戰，「狐狸」李斯特城係聯賽「2哥」，熱刺係「4哥」，雖然李城最近走勢稍為回落，但佢哋近4次出戰聯賽，至少喺上半場都成功保住不敗，加上上場英足盃鬥熱刺又係開出半場和，今仗作客熱刺不妨再追半場和。

（now 633周四凌晨4時直播）
今季兩交手均言和

李斯特城今季表現一鳴驚人，踏入新一年依然緊守聯賽次席，領隊雲尼亞里功不可沒。不過「狐狸」始終唔係大球會，板櫈深度不足問題令球隊喺聖誕新年快車賽程頻頻失分，佢哋喺連續3場聯賽「食白果」下，取得2和1負成績，演出明顯下滑，好彩球隊仍然保持鬥心，對上4場英超均喺換邊前同對手打平，相信熱刺好難早早確立領先優勢。加上雙方今季喺英超同英足盃兩度交手，無論係半場定係全場賽果，同樣係握手言和，證明雙方實力差距未有想像中大。

李斯特城王牌射手占美華迪今場有望傷愈復出，熱刺更加唔敢放肆進攻，佢哋對上2仗聯賽亦開出半場和，相信呢間倫敦球會今仗即使佔有地利，仍然好難同李城分出勝負，半場和值捧。