慕遜Sharp醒翻轉曼城

猪拉多纳

歐聯「死亡D組」嚟到最後一輪賽事毫無懸念，祖雲達斯同曼城雙雙晉級，只係唔知邊隊可以首名出線。曼城今晚主場迎戰慕遜加柏，「藍月亮」正落後祖記2分，今場要贏之餘，仲要寄望西維爾擊敗祖記，先有望攞到首名，成功率偏低令戰意稍遜。況且佢哋亦讓唔起大勇嘅慕遜加柏，讓球盤慕軍受讓半一，2.06倍下盤抵玩。

（有線64及203台周三凌晨3時45分直播）

德甲無敵之師拜仁慕尼黑上周終被打破不敗金身，邊隊咁犀利？就係已經有2個月未輸過嘅慕遜加柏，喺主場以3比1擊敗拜仁，近12場錄得8勝4和，球員狀態大勇，其中前鋒史甸度同翼鋒法比安莊臣兩人3戰合共取得7個士哥，今場對住防線不穩嘅曼城，隨時又有得數胡。慕遜加柏喺D組以5分排緊第3，以2分領先包尾嘅西維爾，雖然出線無望，但仲可以保住第3轉戰歐霸盃32強，今場戰意高捧得過。
「藍月亮」穩出線無謂搏

「藍月亮」呢排表現飄忽，近6場取得2勝1和3負，包括上場不敵史篤城2球，中場發電機大衞施華傷愈復出，又到王牌射手阿古路受傷，其他傷兵仲包括高柏尼、耶耶托尼、費蘭度法蘭斯高、薩巴列達等，既然球隊已經穩奪出線權，今場亦無謂搏，以免出現更多十字軍，一於捧慕遜加柏下盤！
祖記防守堅細盤好路

另一場榜首嘅祖雲達斯作客西維爾，祖記今場和波就可以獲得小組首名，球員嘅任務就係做好防守保不敗，球隊近4戰一球不失，細鬼對祖記條防線好有信心。祖雲達斯今場歎慢板，西維爾即使有主場之利，要贏波爭第3一啲都唔易，捧1.7倍入球細仲啱數。

（有線63台周三凌晨3時45分直播）