磐田爭直升盡數三神

猪拉多纳

日乙今日煞科，大宮松鼠已提早奪得冠軍及直接升班資格，餘下1個直接升班席位，屬於磐田山葉同福岡黃蜂之爭。兩隊現時同分，隨時要以得失球差決定排名，磐田山葉為保次席，今仗作客對尾二嘅大分三神，勢必盡數對手，直取讓球客勝。

（周一下午1時開賽，馬會網上文字直播）

根據賽制，聯賽前兩名直接升上日職，第3至6位要踢附加賽，爭奪最後1個升班席位。賽制方面，同分先計得失球差，磐田山葉比第3位福岡黃蜂多5個淨得球，只要今仗贏波，好大機會升班。不過，要留意福岡黃蜂今輪作客，對手只係尾三嘅FC岐阜，肯定趁機爭取大勝，力求反超前，所以「沒落日職勁旅」嘅磐田山葉唔可以太老定。磐田山葉勝在攻擊點多，今季有15位球員取得入球，連後衞櫻內渚都有5球進帳，即使射手保夫萊特有傷，照可大炒大分三神。
「九州打吡」撐長崎

另外，「九州打吡」長崎成功丸今仗只要作客擊敗北九州向日葵，就可取得升班附加賽資格，爭勝決心肯定大，反觀向日葵踢風流波，戰意不足，長崎成功丸全取3分機會高，客勝有1.85倍抵玩。