金巴利來短途熱身

不死鸟

第二場4班1000米屬於新舊馬混戰，12匹參戰馬半數為3、4歲馬，包括兩匹初出K布新馬，「金巴利來」上季很早已抵?，始終在紐無公開試過閘，來港需較多時間訓練，連同今季夾埋試5個大閘，打好底始派上陣，雖與同場新勝馬「座頭市」出自父系「丹拿星」，但母線源自「沙彪」曾6捷1250至1600米，產下首胎（與「牛精財星」同父系）贏過1600米，性能偏向中距離，前景應該唔太曳，初出可留意走勢。
「其蓮如飛」由姚本輝周歲買入，與今次有份上陣?侶「精密紡」上季同機較後時間到港，父系「直布羅山」乃02年全球3歲馬王，子嗣中有6駒揚威一級賽，足��遍佈英、法、美、澳以及香港（「飛鷹山」贏香港盃），偏偏在港子嗣未能成材，「雄風」和「呼風喚雨」最多入過位，下線方面為美洲血統，同母一匹馬女贏兩場一哩賽，結合兩線，與「金巴利來」一樣非正宗短途馬，早前試閘見過天生速度，但落到場隨時係另一回事，未係留意時候。