利之寶五班無敵手

不死鸟

第四班1000米（草地），「齊歡唱」購自去年12月香港馬匹拍賣會，身價高達300萬，與「貝多芬」及「齊歌頌」同主，上季尾兩試泥地1050米閘，首次試閘走勢平平無奇居後跟跑，但第二次試卻有煥然一新走勢，起步搶出後直領到底，大勝對手而回，然而當時馬季已近尾聲請纓無路，馬房惟有疊埋心水待今季上陣。8月中柏寶復課後已見重跨馬背一試再試，月初嘉年華草地大閘又再一放絕塵，質新馬明刀明槍做工夫，今次作季內首度上陣已能大派用場。
配腳方面，「沙貝利」上季尾增程1400米效果一般，今次回師勝途直路賽有利，可期還我真面目。「領航動力」減分多時，「私家路」進步明顯皆可加入作配。
第五班1600米（草地），「利之寶」上季煞科日同程跑第三，不敵「喜勁飛」但與「不言而喻」拍住衝線，後駒開鑼日大熱順利贏馬，如今「利之寶」降落五班角逐佔盡優勢，老馬操好可望季初先行。
配腳方面，「封面」上季尾表現漸入佳境，復課操練無間進步良多，有權介入戰團。「活威小子」班利路合，「魅力影子」磨刀霍霍均值得兼顧。