師徒對決捧白禮頓讓客

猪拉多纳

西布朗「主」宰尾關

今晚係足球菠菜界嘅大日子，因為當今賭壇兩大高手Matthew Benham同Tony Bloom，分別率領賓福特同白禮頓，喺英總第3圈正面交鋒，業界對今仗極為重視，絕對唔係一場普通賽事，樂比就支持「師傅」Tony Bloom領軍嘅白禮頓，捧1.72倍「讓客」！

（開賽時間：周六晚11:00）
師傅投資球會闊綽 白禮頓準備衝超

白禮頓班主Tony Bloom係曼徹斯特大學數學系出身，據英國雜誌《Inside Poker》報道，佢7歲開始賭徒生涯，大學畢業後任職韋德菠菜公司駐泰國操盤手，02年創辦菠菜公司Premier Bet為佢賺到第一桶金，未計隱形資產，據報佢現時身家超過10億鎊（約119億港元），而且出手仲相當闊綽，淨係幫球會興建新球場就用咗9300萬鎊（約11億港元）。精通波盤嘅同時，Tony Bloom亦係撲克高手，贏過唔少職業賽事，同過老婆隱居澳洲潛修賭術，不過近年已隱姓埋名搞慈善，話佢係受萬人景仰嘅「賭神」亦唔誇張。

仲有呀，無論財力、規模、人腳，佢哋都已有衝超嘅準備，但季初出閘脫腳，仲要畀死對頭賓福特食住，Tony Bloom立即喺除夕宣布，請來經驗豐富嘅前紐卡素及諾域治領隊曉頓執教，首場領軍正正係對賓福特，可見佢對今仗之重視程度。
賓福特兵源不足「快車期」見底

賓福特嘅最大股東Matthew Benham，同Tony Bloom關係曾亦師亦友。呢位牛津畢業生被譽為賭波界奇才，當年喺「師傅」創辦嘅賭波公司擔任trader，但後來自立門戶開設賭波顧問公司，兩人盛傳因此而關係破裂，形同陌路。老實講，賓福特作為升班馬，依家喺聯賽排第6己經超出預期，喺「快車期」連輸兩仗，兵源不足嘅致命缺點已表露無遺，樂比深信白禮頓可擊敗對手晉級，為班主挽回面子。

另一場推介係西布朗，亦係6寶金多寶尾關賽事，呢場波單棍買「主主」已足夠。自從宣布由前史篤城領隊佩尼斯執教後，西布朗士氣大振，佩尼斯前日喺對韋斯咸賽前訓話，都令佢哋成功搶得1分，今仗正式領軍，主場對非聯賽球隊基斯赫德必大開殺戒，重建球隊信心，捧1.55倍「主主」及1.56倍「讓球主勝」好穩陣。
樂比推介

白禮頓（讓球客勝）、西布朗（主主，讓球主勝）