好玩得玩埋前高官

不死鸟

主為新馬命名，絕對係最好玩嘅環節之一，關於呢方面，有啲選擇認真面對，亦可以輕輕鬆鬆玩玩吓，好似今次初出新馬「歡樂繽紛」個中文名咁，馬主好玩得團體明顯延續之前「精彩繽紛」及「色彩繽紛」，作為一系列象徵旗幟鮮明，但呢三匹馬英文名就並唔統一，但就以「歡樂繽紛」最有趣，係咪有心玩則要佢哋先知。
「歡樂繽紛」英文名叫You Gotta Pay，照字面解係要付出；做馬主，個個都想收獎金唔使畀養馬費，有錢落袋就更理想，You Gotta Pay橫睇掂睇都似乎唔多老利，Helen諗深一層，覺得呢個名響度搞鬼；記得早兩年超額教師問題鬧得沸騰，當代教統局長李國章講過一句，「I'll remember this，you will pay（我會記住，慢慢跟你算帳）」，You Gotta Pay，難道有心同李國章開玩笑？估啱唔使讚，估錯唔好嬲就得喇。