天下寶恰四班弱旅

不死鸟

唔經唔覺，今晚上演谷草壓軸戰，第四場四班1650米乃遺材賽，全部馬跑足一季未贏過，幕後理應恨贏恨到發燒，但係頭馬得一席，且看邊路人馬可趕上尾班車？全場最看不透一匹馬，個人認為是李?「天下寶」，先揭匹馬多少底細，響澳洲由「功夫」、「光速」馬主魏振雄所擁有，佢亦係現時所屬馬主團體成員之一，來港前一仗響考菲爾德周末賽爆冷贏馬，路程為2000米，但父母兩線不算有長力支持，老豆「選擇」所出?「美妙選擇」、「火耀雷霆」都仲話擅跑一哩，下線方面源自「藍鳥」，媽媽贏1100及1200米，不計「天下寶」在內，三匹已勝出子女，集中於1600以下路程建功。
我自己冇睇過「天下寶」外地贏2000米條片，只係知道一條直路從外殺上，把對手一網成擒，信血統的話，再睇番上次角逐2200米，反覺不夠先前一哩追得好，輸畀「特寶樂」、「世界波」、「飛將軍」等三班惡爺，家陣只係同呢棚四班A貨跑，夠殺有餘啦！